Eth Setau Sagèth

Eth setau sagèth ei ua trauèssa que se desvolope intègrament ena Val d’Aran. Ei un recorregut pera istòria dera Val a trauèrs de pòbles, ribes e corets qu’an vist passar a minaires, pastors der amontanhatge e comèrç a loms de mules

Era prumèra part transcor pera corsèra que des de tempsi immemoraius junhie es pòbles dera pelha dera montanha e que da opcion a conéisher er auviatge culturau d’Aran a trauèrs d’eri.

Val d’Aran, territòri minèr. Ara fin deth sègle XVIII ja se parlaue d’espleites de minerau, e ei ara fin deth XIX quan se comencen es extraccions minères, que se mantien enquiath 1953. Era Val de Toran e era zòna de Liat mantien vestigis d’aquera epòca que creèc camins en vals e còthi de montanha.

Sendèrs d’amontanhatge, per a on passauen es ramats d’Aragon  tàs peisheus aranesi de Valarties e Colomèrs. Zòna des grani lacs de Mar e Tòrt de Rius pertanhents ath Parc Nacionau d’Aigüestòrtes e lac Sant Maurici, d’ua beresa excepcionau.

Eth pòrt de Vielha, era via naturau d’entrada e gessuda dera Val, abans dera bastida deth Tunèl de Vielha e utilizada des de hè sègles pes poblants d’aguestes vals.

En 1998 eth Conselh Generau d’Aran en collaboracions damb era Federacion d’Entitats Excursionistes de Catalonha amièren eth mercatge e senhalizacion des sendèrs der Aran, que cosntituïssen ara era basa deth recorrut deth Setau Sagèth.



 

Esta pagina es propiedad de setau sageth
Setau Sageth Setau Sageth Setau Sageth